Jájá allir eiga að sætta sig við....

Já svo sannarlega, alveg er það með eindæmum að horfa upp á svínaríið og ógeðið sem á sér stað í þessu landi, það er alveg með ólíkindum að þessi vesæla ríkisstjórn sem er við völd í þessu landi skuli ekki axla neina ábyrgð og sitja sem fastast á alþingi í fínu leðurstólunum sínum og hækka allar mögulegar álögur á almúgan og gera ekkert nema að láta rúnta með sig i fínu bílunum, sem við öll eigum, vera í fínu fötunum sínum og skammast sín ekki fyrir fimmaura, enda eru þeir varla til í landinu eins og staðan virðist vera....

Ég reyni sem minnst að hugsa um þetta en þegar þeir gera svona hluti eins og að hækka bensínverð, tóbak, áfengi og svo hækka skatta í ofanálag við allt hitt, láta vesalingana sem vinna fyrir kaupinu sínu, borga aðeins meira í ríkiskassan til að fleiri missi nú heimilin sín. þetta er greinilega það sem snobbhænsnin á þingi stefna að en ekki laga stöðuna.

Annars er það helst að frétta hjá mér að ég er í síðasta túr fyrir jól, og vona svo sannarlega að hann fari að enda. allir sáttir með gott ár og nú er lag að slútta árinu með stæl og sigla svo ferskir til veiða á nýju ári og gera það en betra en það sem er að líða

ég hlakka til að sjá ykkur öll þegar ég kem í jólafríiið...

KV Herra Kjaló

jólin koma:)

Jæja kæru vinir, þá styttist í jólafrí hjá mér og ætla ég að nota það til að slappa reglulega vel af og dunda mér í bílnum(drottninguni) og njóta lífsins. síðan ætla ég að skreyta mjög ótæpilega heima á Kjalarnesi og skora hér með á óla valla í skreytingakeppni, og ég veit að hann kemur fílefldur inn í þá keppni

Annars er gott að frétta af okkur hérna á Guðmundi, erum núna á leiðini til Eyja, sem er náttúrulega okkar heimahöfn, en þangað höfum við ekki komið síðan um sjómannadag, og verður okkur örugglega vel fagnað. Þar ætlum við að taka grunnnótina um borð og haska okkur svo inn á breiðafjörð að veiða síld í beitu, sem við löndum í Hafnarfirði, Annars vill ég minna á síðuna hjá Hauk vini mínum Grettis, www.123.is/lifidumbord. hvet alla til að skoða hana reglulega.

Kv. Herra Kjalarnes